Ағымдағы жылы мемлекеттік комиссия қуғын-сүргін құрбандарының тарихын зерттеу, архивтік құжаттарды цифрландыру және электронды қорларды құру жұмыстарын жалғастырады.

Мемлекет басшысы Қасым-Жомарт Тоқаев Мемлекеттік кеңесші Ерлан Қариннің саяси қуғын-сүргін құрбандарын толық ақтау жөніндегі мемлекеттік комиссияның жұмысы туралы ақпаратын тыңдады, деп хабарлайды Ақорда.

Мемлекеттік комиссияның қызметі ғылыми-зерттеу жұмыстарына бағытталған. Комиссия мүшелері, көрнекті ғалымдар мен сарапшылар еліміздің архивтерінде ауқымды жұмыстар жүргізіп, жабық қорларды зерттеді. Мүдделі мемлекеттік органдармен бірлесе отырып, ведомстволық мұрағаттарды құпиясыздандыру және азаматтарды ақтау үшін материалдармен қамтамасыз ету жұмыстары жүргізілуде.

Мемлекет басшысына қуғын-сүргін құрбандарының түрлі санаттарының тарихына арналған 31 томдық құжаттар мен материалдар ұсынылды.

Ағымдағы жылы мемлекеттік комиссия қуғын-сүргін құрбандарының тарихын зерделеу, архивтік құжаттарды цифрландыру және электронды қорларды құру жұмыстарын жалғастырады.

Дереккөз: Тоқаевқа саяси қуғын-сүргін құрбандарын ақтау туралы материалдар ұсынылды