23.12.2021

Саяси қуғын-сүргін құрбандарын толық ақтау жөніндегі мемлекеттік комиссия 2022 жылға арналған жұмыстың басым бағыттарын белгіледі.

НҰР-СҰЛТАН. 23 ЖЕЛТОҚСАН – Мемлекеттік хатшы Қырымбек Көшербаев саяси қуғын-сүргін құрбандарын толық ақтау жөніндегі мемлекеттік комиссияның кезекті отырысын өткізді, деп хабарлайды ҚАЗАҚСТАН БҮГІН.

            Отырыста Саяси қуғын-сүргін құрбандарын толық ақтау жөніндегі мемлекеттік комиссияның 2021 жылға арналған Жобалық кеңсесі, ішкі комиссиялары, жұмыс топтары және өңірлік филиалдары қызметінің негізгі қорытындылары қаралып, 2022 жылға арналған жұмыстың басым бағыттары айқындалды, деп хабарлайды Ақорданың баспасөз қызметі.

Комиссия төрағасы Қырымбек Көшербаев бүгінде орталықта және өңірлерде мемлекеттік, ведомстволық және шетелдік мұрағаттарда жүйелі ғылыми-зерттеу жұмыстары жолға қойылғанын, мемлекеттік комиссияның біртұтас ұйымдық құрылымы қалыптастырылғанын, әдістемелік базасы әзірленгенін, ғылыми-зерттеу қызметіне бірыңғай көзқарас айқындалғанын, мақсатты ақпараттық стратегия белгіленгенін атап өтті.

            Отырыста саяси қуғын-сүргін құрбандары туралы жалпы мәліметтер базасы мен оның құрылымдарының қызметі туралы мәліметтерді қамтитын Мемлекеттік комиссияның электронды порталы таныстырылды.