Қазақстан Республикасының Мемлекеттік хатшысы Қырымбек Көшербаевтың төрағалығымен Саяси қуғын-сүргін құрбандарын толық ақтау жөніндегі мемлекеттік комиссияның екінші отырысы өтті.

Отырыс барысында Саяси қуғын-сүргін құрбандарын толық ақтау жөніндегі мемлекеттік комиссияның және оның өңірлік бөлімшелерінің ағымдағы қызметінің мәселелері талқыланды. Отырыс барысында Мемлекеттік комиссия төрағасы Қырымбек Көшербаев Мемлекеттік комиссияның ұйымдастыру кезеңі аяқталып, еліміздің түрлі мұрағаттарында ғалымдар мен сарапшылардың белсенді ғылыми-зерттеу жұмыстары басталғанын атап өтті.

Отырыс барысында Саяси қуғын-сүргін құрбандарын толық ақтау жөніндегі мемлекеттік комиссияның және оның өңірлік бөлімшелерінің ағымдағы қызметінің мәселелері талқыланды. Отырыс барысында Мемлекеттік комиссия төрағасы Қырымбек Көшербаев Мемлекеттік комиссияның ұйымдастыру кезеңі аяқталып, еліміздің түрлі мұрағаттарында ғалымдар мен сарапшылардың белсенді ғылыми-зерттеу жұмыстары басталғанын атап өтті.

            Мемлекеттік комиссияның қызметін қамтамасыз ету үшін оның құрамына ғалымдар, зерттеушілер және мемлекеттік органдардың өкілдері кірген Жобалық кеңсе құрылды. Мемлекеттік комиссия қызметінің барлық бағыттарын кешенді қамту үшін 11 жұмыс тобы құрылды. Әр топ өз қызметін тақырыптық жоспарлар мен репрессия құрбандарының санаттарына сәйкес нақты әдістеме аясында жүзеге асырады.

Мемлекеттік комиссияның жүйелі жұмысын ұйымдастыру үшін еліміздің барлық өңірлерінде саяси қуғын-сүргін құрбандарын ақтау жөніндегі өңірлік комиссиялар құрылып, жұмыс істеуде. Оларды облыс әкімінің орынбасарлары басқарады, олардың құрамына ғалымдар, көрнекті қоғам қайраткерлері, мемлекеттік органдар мен ұйымдардың өкілдері кіреді.

Білім және ғылым министрі Асхат Аймағамбетов жұмыс топтарының барлық мүшелері жабық және арнайы мұрағаттарда жұмыс істеуге рұқсат алғанын айтты. Ғалымдар жоғары оқу орындары мен ғылыми-зерттеу институттарындағы негізгі жұмыс орындарынан жалақылары мен барлық әлеуметтік төлемдер сақтала отырып, босатылады.

Мәдениет және спорт министрі Ақтоты Райымқұлова саяси қуғын-сүргін мәселелері бойынша Арнайы мұрағат қорын және Ұлттық еске алу институтын құру бойынша алдағы жұмыстарға тоқталды. Шара барысында саяси қуғын-сүргін мәселелері бойынша жабық мұрағаттық қорларды кешенді зерттеу және оларды кезең-кезеңімен құпиясыздандыру жөніндегі шағын комиссия құру туралы шешім қабылданды.

Кеңес қорытындысы бойынша Мемлекеттік хатшы ведомстволық және мемлекеттік мұрағаттардың қызметін жетілдіруге, ғалымдар мен ғылыми қызметкерлердің мұрағаттардағы жұмысына қолайлы жағдай жасауға бағытталған бірқатар тапсырмалар берілді. Өңірлік комиссиялардың қызметін жандандыру және олардың қызметін қаржыландыру, сондай-ақ Мемлекеттік комиссия қызметінің ақпараттық стратегиясын қалыптастыру міндеттері көрсетілген.

Кеңес қорытындысы бойынша Мемлекеттік хатшы ведомстволық және мемлекеттік мұрағаттардың қызметін жетілдіруге, ғалымдар мен ғылыми қызметкерлердің мұрағаттардағы жұмысына қолайлы жағдай жасауға бағытталған бірқатар тапсырмалар берді. Өңірлік комиссиялардың қызметін жандандыру және олардың қызметін қаржыландыру, сондай-ақ Мемлекеттік комиссия қызметінің ақпараттық стратегиясын қалыптастыру міндеттері көрсетілген.

Дереккөз: Қырымбек Көшербаев Саяси қуғын-сүргін құрбандарын толық ақтау жөніндегі мемлекеттік комиссияның отырысын өткізді - Қазақстан Республикасы Президентінің ресми сайты (akorda.kz)