Қазақстан Республикасының Мемлекеттік кеңесшісі Ерлан Қариннің төрағалығымен Саяси қуғын-сүргін құрбандарын толық ақтау жөніндегі мемлекеттік комиссияның кезекті отырысы өтті. Отырыста ғылыми және баспа қызметінің нәтижелері қаралып, жүргізіліп жатқан архивтік зерттеулер бойынша материалдар зерделеніп, Мемлекеттік комиссияның электронды порталының жұмысы туралы ақпарат ұсынылды. Сондай-ақ өңірлік комиссиялардың ағымдағы қызметі туралы есебі тыңдалып, олардың ғылыми жинақтарын дайындау жобаларының барысы қаралды. Сонымен қатар, отырыс барысында Мемлекеттік комиссия мүшелерінің архивтерді зерттеу барысында табылған, жазушы-ақын Жүсіпбек Аймауытовтың «Әзір өлмеймін» туындысын таныстырды.

Ол Президент архивінің зерттеу жұмысы барысында анықталды. Президент архивінің директоры А.Мұстафина жұмыстың табылуы мен жүргізілген талдаудың мән-жайына тоқталды. Құжатты әлі де филологтар мен әдебиеттанушылар зерттейді.

Отырыс қорытындысы бойынша ғылыми-зерттеу жұмысын жалғастыруға, өңірлік комиссиялардың материалдарын басып шығаруды жүйелеуге, жабық қорлардағы материалдарды цифрландыру және құпиясыздандыру жұмыстарын қамтамасыз етуге бағытталған тапсырмалар берілді.