2026 жылғы 27 ақпанда «Саяси қуғын-сүргін бойынша архив құжаттарын толық құпиясыздандыру: қоғам сұранысы» тақырыбында халықаралық ғылыми-практикалық конференция өтті. Конференция Саяси қуғын-сүргін құрбандарын толық ақтау жөніндегі мемлекеттік комиссия Жобалық кеңсесі мен ҚР Ғылым және жоғары білім министрлігі Ғылым комитеті Ш.Ш. Уәлиханов атындағы Тарих және этнология институтының Астана қаласындағы филиалының ұйымдастыруымен өтті. Конференцияға депутаттар, шетелдік және Отандық ғалымдар мен сарапшылар қатысты. Сонымен қатар құрметті қонақ ретінде Алаш қозғалысының көрнекті қайраткері Рахметолла Қаржаубаевтың қызы Дана Рахметуловна қатысты. Оның сапарында Атыраулық өлкетанушы Көптілеу Тәжіғалиевтің рөлі ерекше болды. Ол шынайы патриоттық ниетпен және «Алаш» қозғалысының тарихына деген қызығушылықпен Рахметолла Қаржаубаев туралы деректерді өз бетінше іздестіріп, жинақтау жұмыстарын жүргізді. Нәтижесінде оның қызы Дана Рахметуловнаны тауып, байланыс орнатты. Дана Рахметуловна Қазақстан Республикасының азаматы, қазіргі уақытта отбасылық жағдайына байланысты Краснодар өлкесінде тұрады. Ол әкесі туралы естеліктерімен және отбасылық фотосуреттерімен бөлісті. Көптілеу Тәжіғалиев те конференцияда қысқаша сөз сөйлеп, атқарылған жұмыстары туралы және архивтерді құпиясыздандырудың маңыздылығы жөнінде айтты. Жобалық кеңсенің жетекшісі Сабыр Қасымов Дана Рахметуловнаға оның әкесінің қызметіне қатысты архивтік құжаттар топтастырылған кітапшаны табыстады. Аталған жинақты тарих ғылымдарының кандидаттары Г.Қ. Мұқанова мен К.К. Сәрсембина дайындаған. Сонымен қатар, ол Көптілеу Тәжіғалиевке тарихты зерттеуге қосқан үлесі мен азаматтық бастамасы үшін алғыс білдірді. Дана Рахметуловнаның айтуынша, кездесу оған ерекше жылы әрі әсерлі көңіл күй сыйлаған. Ол конференцияны ұйымдастырғаны және әкесінің тарихи мұрасына құрмет көрсеткені үшін Жобалық кеңсеге шынайы ризашылығын білдіріп: «…бәріңізге үлкен рахмет, тіпті рахметтің өзі аз» деп атап өтті. Қонақ үшін Л.Н. Гумилев атындағы Еуразия ұлттық университетінде алашордашылар ұрпақтарымен мәдени-танымдық кездесу ұйымдастырылды. Сондай-ақ «АЛЖИР» музей-мемориалдық кешені мен Қазақстан Республикасының Ұлттық музейіне экскурсия жасалды. Халықаралық конференция архивтерді құпиясыздандырудың өзектілігін көтеріп, Рахметолла Қаржаубаев есімінің ғылыми айналымға қайта оралуына жол ашты. Осындай кездесулер ұрпақтар сабақтастығын нығайтып, қазақстандық патриотизмді қалыптастыруға, ұлттық мұраны сақтау мен насихаттауға ықпал етеді.

2026 жылғы 27 ақпанда «Саяси қуғын-сүргін бойынша архив құжаттарын толық құпиясыздандыру: қоғам сұранысы» тақырыбында халықаралық ғылыми-практикалық конференция өтті. Конференция Саяси қуғын-сүргін құрбандарын толық ақтау жөніндегі мемлекеттік комиссия Жобалық кеңсесі мен ҚР Ғылым және жоғары білім министрлігі Ғылым комитеті Ш.Ш. Уәлиханов атындағы Тарих және этнология институтының Астана қаласындағы филиалының ұйымдастыруымен өтті. Конференцияға депутаттар, шетелдік және Отандық ғалымдар мен сарапшылар қатысты. Сонымен қатар құрметті қонақ ретінде Алаш қозғалысының көрнекті қайраткері Рахметолла Қаржаубаевтың қызы Дана Рахметуловна қатысты. Оның сапарында Атыраулық өлкетанушы Көптілеу Тәжіғалиевтің рөлі ерекше болды. Ол шынайы патриоттық ниетпен және «Алаш» қозғалысының тарихына деген қызығушылықпен Рахметолла Қаржаубаев туралы деректерді өз бетінше іздестіріп, жинақтау жұмыстарын жүргізді. Нәтижесінде оның қызы Дана Рахметуловнаны тауып, байланыс орнатты. Дана Рахметуловна Қазақстан Республикасының азаматы, қазіргі уақытта отбасылық жағдайына байланысты Краснодар өлкесінде тұрады. Ол әкесі туралы естеліктерімен және отбасылық фотосуреттерімен бөлісті. Көптілеу Тәжіғалиев те конференцияда қысқаша сөз сөйлеп, атқарылған жұмыстары туралы және архивтерді құпиясыздандырудың маңыздылығы жөнінде айтты. Жобалық кеңсенің жетекшісі Сабыр Қасымов Дана Рахметуловнаға оның әкесінің қызметіне қатысты архивтік құжаттар топтастырылған кітапшаны табыстады. Аталған жинақты тарих ғылымдарының кандидаттары Г.Қ. Мұқанова мен К.К. Сәрсембина дайындаған. Сонымен қатар, ол Көптілеу Тәжіғалиевке тарихты зерттеуге қосқан үлесі мен азаматтық бастамасы үшін алғыс білдірді. Дана Рахметуловнаның айтуынша, кездесу оған ерекше жылы әрі әсерлі көңіл күй сыйлаған. Ол конференцияны ұйымдастырғаны және әкесінің тарихи мұрасына құрмет көрсеткені үшін Жобалық кеңсеге шынайы ризашылығын білдіріп: «…бәріңізге үлкен рахмет, тіпті рахметтің өзі аз» деп атап өтті. Қонақ үшін Л.Н. Гумилев атындағы Еуразия ұлттық университетінде алашордашылар ұрпақтарымен мәдени-танымдық кездесу ұйымдастырылды. Сондай-ақ «АЛЖИР» музей-мемориалдық кешені мен Қазақстан Республикасының Ұлттық музейіне экскурсия жасалды. Халықаралық конференция архивтерді құпиясыздандырудың өзектілігін көтеріп, Рахметолла Қаржаубаев есімінің ғылыми айналымға қайта оралуына жол ашты. Осындай кездесулер ұрпақтар сабақтастығын нығайтып, қазақстандық патриотизмді қалыптастыруға, ұлттық мұраны сақтау мен насихаттауға ықпал етеді.