Оразақ Исмагуловтың 95 жылдығына арналған дөңгелек үстел

2025 жылғы 30 қыркүйекте Астана қаласындағы ҚР Ұлттық музейінде көрнекті антрополог, ҚР ҰҒА академигі Оразақ Исмагуловтың 95 жылдығына арналған «Ғасыр. Тұлға. Ғылым» атты дөңгелек үстел өтті. Іс-шараға ҚР Парламенті Сенатының депутаттары, жетекші ғалымдар мен қоғам қайраткерлері, сондай-ақ ғалымның туыстары қатысты. Мемлекеттік саяси қуғын-сүргін құрбандарын толық ақтау жөніндегі мемлекеттік комиссия жанындағы жоба офисінің жетекшісі Сабыр Қасымов баяндама жасап, мерейтой иесінің ғылыми жолы мен тұлғасының маңыздылығын атап өтті. Дөңгелек үстелдің қорытындысында қатысушылар Оразақ Исмагуловтың отандық және әлемдік антропологияға қосқан баға жетпес үлесін жоғары бағалап, оған мемлекеттік марапаттар беру және ғылыми шәкірттер даярлау жөнінде ұсыныстар білдірді.