Зал Қазақстан аумағындағы ең ауқымды кеңестік концлагерьлердің бірі – КСРО ОГПУ-НКВД-ның еңбекпен түзету лагері – Карлагтың пайда болу тарихымен таныстырады.
Залда кеңес мемлекетінің қуғын-сүргін саясатын айғақтайтын экспонаттар – түпнұсқалар, құжаттардың көшірмелері, фотосуреттер, көлемді заттар, диорамалар, карта бар.
Витриналарда жазалау саясаты мен ГУЛАГ жүйесінің қызметін регламенттейтін жалпы тәртіптегі құжаттар (1918 жылдан бастап), сондай-ақ әкімшілік орталығы тарихи Долинка болған Карлагтың ұйымдастырылуы мен құрылымы туралы құжаттар келтірілген.
