Менің әкемнің әкесі Бөртебай деген кісі бай болған. 1928 жылы мал-мүлкі тәркіленген. Қазіргі Ембі ауданы Темір совхозы Ор бойында тұрған. Мал-мүлкі тәркіленгеннен кейін көп ұзамай өмірден озып кеткен. Оның баласы, менің атам Қонысбайды 1937 жылы Ембіден НКВД адамдары келіп, «байдың баласы» деп тұтқындап, алып кеткен. Қонысбай атамнан ешқандай дерек жоқ. Оның баласы, менің әкем Базылбек соғыс ардагері. Әкемнің ағасы соғыстан оралмаған. Аталарымның қайғылы тағдырлары осылай. Мәлімет берген: ұрпағы Елтілес Базылбекұлы Қонысбаев. Ақтөбе қаласы, 2023 жыл. Материалды баспаға дайындаған: Құралай Қуандыққызы Сәрсембина, Ш. Уәлиханов атындағы Тарих және этнология институтының Астана қ. филиалы, тарих ғылымдарының кандидаты.