Кеншілер қаласында саяси қуғын-сүргін құрбандарын толық ақтау жөніндегі өңірлік комиссия жанынан құрылған жұмысшы топтың экспедиция кездесуі өтіп жатыр.

Кентау қалалық жастар ресурстық орталығында болып жатқан жиында қиын-қыстау кезеңдерде жазықсыз жала жабылған жандарды ақтау мәселесі қаралуда. Жиынға қуғын-сүргінге ұшыраған азаматтардың ұрпақтары да қатысып жатыр. Олар өздерінде жинақтаған құнды мәліметтер мен құжаттарды және дәйек болатындай суреттерді ала келген.