31 мамыр 2023 жылы Саяси қуғын-сүргін және ашаршылық құрбандарын еске алу күніне орай Атырау облыстық Ішкі саясат басқармасы, Атырау облысының мемлекеттік архиві, Х.Досмұхамедов атындағы Атырау университеті, Атырау облысы бойынша саяси қуғын-сүргін құрбандарын толық ақтау жөніндегі өңірлік комиссиясы ұйымдастыруымен «Халық жадында қалған қасіретті жылдар» атты дөңгелек үстел өтті.
   Дөңгелек үстел жұмысы саяси қуғын-сүргін құрбандарын еске алуға арналған ескерткішіне және қоғам қайраткері, профессор, саяси қуғын-сүргін құрбаны Халел Досмұхамедұлының ескерткішіне тағзым етуден басталды.
   Шараны Атырау университетінің Басқарма төрағасы-ректор Идрисов С.Н. жүргізді.
   Дөңгелек үстелге Атырау облысы Ішкі саясат басқармасының басшысы Сүйеуова Г.Ж., облыс әкімінің орынбасары Мұрзиев М.Б., Атырау облысының мемлекеттік архивінің директоры Қуанышев Қ.Қ., университет ғалымдары, қоғам қайраткерлері, өлкетанушылар, архивистер, мектеп мұғалімдері, магистранттар, саяси қуғын-сүргін құрбандарының ұрпақтары қатысты.
   Жиында өңірлік комиссия жұмысшы тобының мүшелері «Атырау өңірінде ірі және жартылай ауқатты байларды тәркілеу қалай өтті?», «1920-1930 жылдардағы Атырау өңіріндегі халық қозғалыстары: жаңа архив деректері», «Кеңес үкіметінің қазақ қожалықтарын күйзелту шаралары», «Саяси қуғын-сүргін құрбандарын дін өкілдерін толық ақтау-ұрпақ парызы», «Прорва еңбекпен түзеу лагері-архив құжаттарында», «Тарихи әділеттілікті дәлелдеу-архив деректерінде», «Атырау облысы бойынша «Халық жады» кітабының материалдары» тақырыптарында т.ғ.д., профессор Таңатарова Ж.Т., т.ғ.д., қауымдастырылған профессор Бердіғожин Л.Б., Жұмабаева Ж.К. т.ғ.к., профессор Қуаныш С.О., т.ғ.д., профессор Ахметова Ұ.Т., Атырау облысы мемлекеттік архивінің бөлім басшысы Тастемирова Р.К., п.ғ.к., қауымдастырылған профессор Нағимов Ш.Н. баяндамаларын жасады.
   Т.ғ.к., қауымдастырылған профессор Қайырғалиева Г.Қ. саяси қуғын-сүргін құрбандарын толық ақтау жөніндегі өңірлік комиссияның атқарған жұмыстары нәтижесіндегі 2022 жылы жарық көрген кітаптарды таныстырды.
   Сонымен қатар, шарада Қазақстан және Дүниежүзі тарихы кафедрасының қауымдастырылған профессоры, т.ғ.к. Жұмабаева Ж.К. монографиясының тұсаукесері өтті. Атырау облысының мемлекеттік архиві құжаттарынан дайындалған қуғын-сүргін тақырыбындағы көрме ұйымдастырды.

   Ж.Танатарова, т.ғ.д., 2-ші Республикалық ғылыми-зерттеу тобының мүшесі