Резюме

Қыдыралина Жанна Үркінбайқызы

ҚР БҒМ Ғылым комитетінің Мемлекет тарихы институты, т.ғ.д., доцент, директордың бірінші орынбасары

Әлімхан Ермеков – мемлекеттік қайраткер және ғалым

Жұмыстың мақсаты – қазіргі ұрпаққа халқы мен Отанына мінсіз қызмет етуде жоғары азаматтылық пен отаншылдықтың үлгісі болып табылатын Қазақстан тарихындағы аса көрнекті тұлғаны көпшілікке таныту.

Мақала Алаш қозғаласы мен Алаш партиясы көшбасшыларының бірі, мемлекет және қоғам қайраткері, Қазақ Автономиялық Кеңестік Республикасының құрылуы мен қазақ жерлерін біріктіруге белсенді қатысқан, ГУЛАГ лагеріндегі азаптан кездейсоқ аман қалған педагог және ғалым, қазақтың тұңғыш математика профессоры Ермеков Әлімхан Әбеуұлына (1891–1970 жж.) арналған.

Оның тұлғасын өзі өмір сүрген Заманмен байланыстыра отырып жүйелік талдау жасау – зерттеудің әдіснамалық базасы болып табылады. Зерттеу жұмысына: синтез, талдау, талдап қорыту, салыстырмалы-тарихи сияқты жалпығылыми және арнайы тарихи әдістер қолданылды. Дереккөздер мен жұмыс істеу кезінде дереккөздердің салыстырмалы-сыни талдау әдісі негізге алынды. Зерттеудің кейбір конференцияларда жасаған баяндамаларыан өз көрінісін тапты. Зерттеудің қорытындысын отан тарихындағы көрнекті тұлғалардың алатын орны туралы зерттеулерге, Қазақстан тарихы бойынша курстарға, оқу бағдарла.

Кілт сөздер: тарихтың ұлы тұлғалары, отаншылдық және азаматшылық үлгісі, тарих сабақтары, тәуелсіздік құндылықтары, Алаш қозғалысы, Алаш Орда, Қазақ Автономиялық Кеңес Республикасы, Қазақстанның шекарасының ұйғарымы, саяси қуғын-сүргіндер, ғылым және білім дамуына деген үлес.