Елімізде саяси қуғын-сүргін құрбандарын толық ақтау жөніндегі мемлекеттік комиссияның төрағасы Е.Т.Кариннің 2023 жылғы 18 қаңтардағы хаттамалық тапсырмасын орындау мақсатында қуғын-сүргінге ұшыраған адамдардың ұрпақтарынан естелік әңгімелермен мәліметтерді, құжаттар мен фотоларды жинақтау бойынша тиісті жұмыстар жүргізіліп келеді.
Осы мақсатта Жетісай ауданына саяси қуғын-сүргін құрбандарын толық ақтау мәселелері жөніндегі Түркістан өңірлік комиссия жанынан құрылған жұмысшы топ мүшелері арнайы келіп, жиын өткізді. Жиынға аудандық ішкі саясат бөлімі басшысының міндетін уақытша атқарушы Ақжарқын Нөкерәулеті, аудандағы қоғамдық ұйым мүшелері, қала, кент, ауылдық округ әкімдерінің орынбасарлары мен Түркістан облысы қоғамдық даму басқармасы «Қоғамдық келісім» КММ бөлім басшысы Аширбаев Бахытжан Шәкірұлы қатысты.
Кездесудің күн тәртібінде «Саяси қуғын-сүргін құрбандарын толық ақтау мәселелері жөніндегі Өңірлік комиссия жанынан құрылған жұмысшы топтың экспедициясы» қаралды. Күн тәртібіндегі мәселе бойынша комиссия мүшелері жан-жақты баяндамалар жасап, қатысушылар тарапынан қойылған сұрақтарға жауаптар берілді.
