Саяси қуғын-сүргін құрбандарын ақтау жөніндегі мемлекеттік комиссияның төрағасы Ерлан Каринның облыстағы барлық қала, ауылдық округ, кент әкімдеріне қуғын-сүргінге ұшыраған адамдардың ұрпақтарынан естелік-әңгімелер мен мәліметтерді, құжаттарды фотоларды жинақтау бойынша тиісті жұмыстарды жүргізуді тапсырған. Осыған орай аудан, қалалардағы өңірлік комиссияның қатысуымен 10-20 шілде аралығында экспедициялық кездесулер жер-жерлерде ұйымдастырылуда. Бүгін сол экспедиция ауданымызда болды. Олар саяси қуғын-сүргін құрбандарын ақтау жөніндегі облыстық комиссия мүшелері тарихшы, ғалым Оразхан Нұрлан, ғалым Оразбай Сержан, Түркістан облыстық қоғамдық даму басқармасы, «Қоғамдық келісім» КММ бөлім басшысы Әшірбаев Бақытжан мырзалар аудан әкімдігінің кіші мәжіліс залында ауданымыздағы ардагерлер кеңесі, аналар кеңесі, жергілікті өлкетанушылар мен тарихшылар, архив мамандары, белсенді азаматтардың қатысуымен дөңгелек үстел өткізді. Дөңгелек үстелді аудан әкімінің орынбасары Ақәділ Сатыбалды жүргізіп отырды. Онда көптеген мәселелер мен ұсыныстар ортаға салынды. Алдағы уақытта атқарар жұмыстардың барысы кеңінен талқыланды.
