Келес ауданында саяси қуғын-сүргін құрбандарын толық ақтау мәселелері жөніндегі өңірлік комиссия жанынан құрылған жұмысшы топтың отырысы өтті.

Аталған шараға саяси қуғын-сүргін құрбандарын толық ақтау жөніндегі облыстық комиссияның мүшесі Түркістан облысының Қоғамдық даму басқармасының "Қоғамдық келісім" КММ бөлім басшысы Аширбаев Бахытжан Шәкірұлы, ауданның ішкі саясат, мәдениет, тілдерді дамыту және спорт бөлімінің мамандары, зиялы қауым өкілдері мен тұрғындар қатысты.
Басқосуда саяси қуғын-сүргін құрбандары ұрпақтарынан естелік әңгімелер, құжаттар мен фотолар жинақтау жайында әңгіме өрбіді. Сонымен қатар, кездесуге қатысушылар өз ойлары мен бірқатар ұсыныстарын айтты.