Бүгін Түркістан қаласы әкімдігінің мәжіліс залында саяси қуғын-сүргін құрбандарын ақтау мәселелері жөнінде "Өңірлік комиссия жанынан құрылған жұмысшы топтың" жиналысы өтті.

Кездесуге Ішкі саясат бөлімінің мамандары, Ақсақалдар кеңесі, Аналар кеңесі, "Қоғамдық келісім" ұйымының басшысы мен мүшелері, ауыл ақсақалдары, көше билері және белсенді тұлғалар, Жастар ресурстық орталығының мамандары қатысты.

Жиынды тарих ғылымдарының докторы, профессор Хазіретәлі Тұрсын ашып жүргізіп отырды. Жиында сөз алған қатысушылар қуғын-сүргін жайлы көптеген естеліктер айтты.