Саяси қуғын-сүргін құрбандарын толық ақтау мәселелері жөніндегі Өңірлік комиссия «Халық жады» бағыты бойынша жұмыстарын үйлестіру мақсатында аталған іс шараға Төлеби ауданы әкімінің орынбасары Сержан Дүйсебаев, Түркістан облыстық қоғамдық даму басқармасы "Қоғамдық келісім" КММ-нің бөлім басшысы Бақытжан Әшірбаев, саяси қуғын-сүргін құрбандарын толық ақтау жөніндегі облыстық комиссиясының мүшелері,тарихшы ғалымдар, Төлеби ауданы қала , ауылдық округінің жауапты мамандары, ардагерлер кеңесінің төрағалары мен, көне көз қариялар, дін өкілдері, «Аналар кеңесі», тарихшылар, кітапханашылар, этномәдени бірлестіктер төрағалары мен мүшелері, жастар өкілдері қатысты.
Кездесу барысында Қаратөбе ауылдық округі ардагерлер кеңесінің төрағасы Оразов Әділ, Қазақстан жазушылар одағының мүшесі, Елікбай Көшкінбай , Киелітас ауылдық округі ардагерлер кеңесінің мүшесі Маменов Уалихан өз естеліктерімен бөлісіп,экспедиция мен тығыз жұмыс жасауға ниет білдірді.
Кездесуде Түркістан облыстық қоғамдық даму басқармасы "Қоғамдық келісім" КММ-нің бөлім басшысы Бақытжан Әшірбаев шараның маңыздылығына тоқталып, кездесуге жиналған жастар өкілдеріне , архив қызметкерлеріне ел арасындағы қариялардан естеліктер, фото т,б материалдар жинақтап, бабалар рухы алдында игі істі бірлесіп жасауға өз ұсыныстарын білдірді.
