Қ.Тоқаевтың Жарлығымен саяси қуғын-сүргін құрбандарын ақтау ісі бойынша мемлекеттік комиcсия құрылған болатын. Комиссия төрағасы Е.Кариннің 2023 жылғы 18 қаңтарда берген тапсырмасын орындау мақсатында, облыстағы барлық аудан, қала, ауылдық округтерден қуғын-сүргінге ұшыраған адамдар мен олардың ұрпақтарынан естелік әнгімелер мен мәліметтер, фотосуреттер мен құжаттарды жинақтау бойынша тапсырма берілген болатын.
Осы орайда, Түркістан облыстық саяси қуғын сүргін құрбандарын толық ақтау жөніндегі комиссия мүшелерінен құралған экспедициялық топ Сарыағаш ауданына арнайы келді.
Экспедиция мүшелері аудандағы зиялы қауым өкілдері, этномәдени бірлестік төрағалары, архив қызметкерлері және құғын сүргінге ұшыраған азаматтардың ұрпақтарымен кездесіп, экспедицияның негізгі мақсаты мен бағыттары бойынша түсіндірме жұмыстарын жүргізді.
Кездесу барысында тарихшыларымыз тарих беттерінен құнды ақпараттар айтып, көпті көрген көнекөз қариялар саяси қуғын-сүргінге ұшыраған бабаларымыздың қиын-қыстау замандағы өмірі туралы естеліктермен бөлісті.
Жиын соңында саяси қуғын-сүргін құрбандарды ақтау, олар жөнінде мәліметтерді іздеп табу жөнінде әнгіме өрбіп, игі істерді бірлесіп атқаруға уағдаласты.
