19.05.2023
2023 жылғы 19 мамырда Жобалық кеңсе басшысы С. Қасымов саяси қуғын-сүргін құрбандарын толық ақтау жөніндегі Мемлекеттік комиссияның республикалық және өңірлік жұмыс тобы мүшелерімен бірге Қарағанды облыстық мемлекеттік архиві, Қарағанды облысы бойынша ҚР Бас прокуратурасының құқықтық статистика және арнайы есепке алу жөніндегі комитеті басқармасының архиві және ғылыми -техникалық құжаттар бойынша Қарағанды мемлекеттік архиві қорларымен танысты.
Олардың арасында, нақты айтқанда облыстық және аудандық атқару комитеттерінің, ауылдық округтердің; облыстық прокуратура, облыстық соттың, облыстық және аудандық парткомиссиялардың, Тельман аудандық партия комитетінің қорларында тоталитарлық жүйеде екінші мәрте саяси қуғын-сүргінге ұшыраған тұлғалар туралы әрі кеңестерге қарсы және контрреволюциялық элемент ретінде саяси баппен сотталған азаматтарды айыптау процесін көрсететін мәліметтер бар.
Комиссия мүшелерінің саяси қуғын-сүргін құрбандары санаттарын іздестіру және қарастырылып отырған кезең бойынша архив деректерін іздеу жұмысына Қарағанды облысының мәдениет, архивтер және құжаттама басқармасы басшысының орынбасары Е.М. Нельдыбаев, ғылыми- техникалық құжаттар бойынша Қарағанды облысының мемлекеттік архиві жетекшісі, жаппай жерленген орындарды анықтау бойынша жоба жетекшісі Т.Т. Аршабеков, Қарағанды обл. мемлекеттік архиві директоры А.А.Тажигулов, директордың орынбасары Ж.М.Усайнова, Мемлекеттік есеп бөлімінің жетекшісі Е.Б. Черная, архив құжаттарын жариялау бөлімінің жетекшісі О.Е.Беркун қатысты.
