a:2:{s:4:"TEXT";s:1958:"Саяси қуғын сүргін құрбандарын толық ақтау жөніндегі мемлекеттік комиссияның төрағасы Е.Т.Кариннің 2023 жылғы 18 қаңтардағы хаттамалық тапсырмасын негізінде Түркістан облыстық саяси қуғын сүргін құрбандарын толық ақтау жөніндегі Өңірлік комиссия жанынан құралған жұмысшы топтың экспедициялық кестесіне сәйкес Бәйдібек ауданына келді.

Экспедиция мүшелері аудандағы ардагерлер мен әжелер алқасының төрайымдары, зиялы қауым өкілдері, дін өкілдері және кітапхана қызметкерлері, музей қызметкерлерімен кездесу өткізді. Экспедицияның негізгі мақсаты мен бағыттары бойынша түсіндірме жүргізді. Қуғын сүргінге ұшыраған азаматтарды толық ақтау бойынша халық арасындағы ешбір жерде құжатта жазылмаған тың деректерді жинақтау, халықтың жадынан сақталған, қуғын-сүргінге ұшыраған адамдардың ұрпақтарынан естелік әңгімелер, мәліметтер, құжаттар тағы басқа да мағлұматтарды «Халық жады» кітабының енгізу, ұрпаққа мұра етіп қалдыру мақсатын түсіндіріп өтті. Сонымен қатар, бұл жұмыстардың аудан көлемінде ауқымды деңгейде жүргізілуіне атсалысуға шақырды.
";s:4:"TYPE";s:4:"HTML";}