Рахима Қабылшақызы 1947 жылы Степной ауданы Қосестек ауылында дүниеге келген. Петропавл орта мектебін бітірген соң әр түрлі қызметтерді (клуб меңгерушісі, диспетчер) атқарған. Рахима Қабылшақызы – зейнеткерлік жаста. Бадамша ауылында тұрады. Ата-анасы Қабылша мен Бәкиза репрессияға ұшыраған кезде ағайындарының тәрбиесінде болған. Әкесі ұлтжанды білімді азаматтардың бірі Қуанышбаев Қабылша Ақтөбе облысы Степной ауданында 1919 жылы туған. Зиялы отбасынан шыққан абзал азамат есеп-қисап мамандығын меңгерген. Кейін құзырлы мекемелерде ревизор қызметін атқарған Қуанышбаев Қабылша 1930 жылдары қудалауға ұшырайды. Тұтқындалып, 8 жылға бас бостандығынан айырылған соң, Ақтөбе түрмесінде жазасын өтеген. Жұбайы Бәкиза Құбайқызы «Халық жауы» отбасы саналып, бас бостандығынан айырылып, сотталып кеткен. Рахима апаның жолдасы Тынышбек Мырзабекұлы Ғұсманов (1942-2017) 1942 жылы 30 наурызда Ақтөбе облысы Степной ауданы Қосестек ауылында дүниеге келген. Әкесі Мырзабек Ғұсманов (1898-1945) Ұлы Отан соғысынан жараланып, елге келіп қайтыс болған. Әкесімен бірге туысқан Кәрім Ғұсманов Сталиндік репрессия кезінде қуғын-сүргін көріп, айдауда хабарсыз кеткен. Жұбайы Бибізада. Бұлардан ұрпақ болмаған. Материалды баспаға дайындаған: Құралай Қуандыққызы Сәрсембина, Ш. Уәлиханов атындағы Тарих және этнология институтының Астана қ. филиалы, тарих ғылымдарының кандидаты.