2023 жылғы 9 маусымда Саяси қуғын-сүргін құрбандарын толық ақтау жөніндегі мемлекеттік комиссияның Жобалық кеңсе басшысы Сабыр Қасымов бір топ республикалық және өңірлік жұмыс тобы мүшелерімен бірге Астана қаласының мемлекеттік архивінде саяси қуғын-сүргін тақырыбына қатысты зерттеу жұмыстарын одан әрі  жалғастыруда.
   Жұмыс тобы астаналық архив қорының ХХ ғ. 20-30 жылдарындағы Ақмола губерниясы және  округінің  мемлекеттік билік органдары, ішкі істер, сот және прокуратура мекемелерінің құжаттарын зерделеуде. Сейфуллин көшесінде орналасқан архив ғимаратында 1920-1950 жж. Партия, кеңес құжаттары, партиялық тазарту құжаттары және т.б.құжаттар тыңғылықты сарапталды. Әсіресе, Ақмола облысы құрамына енген бұрынғы аудандардың архив құжаттары мұқият іздестірілуде. Әкімшілік өзгерістерге байланысты облыстар құрамындағы аудандардың архив құжаттары назардан тыс қалмауын қадағалап әрі ғылыми сараптама жасауды басты назарда ұстауда. Ғалымдар өзге облысқа енген аудандардың құжаттарын нақтылап, территориялық тиістілігіне сай бөлінген аудандық архив құжаттарын тапсыру актісін талап етті.